క్యాన్సర్ అనే పేరు వినగానే ఒకప్పుడు వణుకు పుట్టేది. కానీ నేడు వైద్య విజ్ఞానం పెరగడంతో దానిని జయించడం సాధ్యమవుతోంది. అయితే, అసలు ఈ మహమ్మారి మన దరి చేరకుండా ఉండాలంటే ఏం చేయాలి? ఇది ఏ వయసు వారిపై ఎక్కువగా పంజా విసురుతోంది? మన రోజువారీ అలవాట్లలో చేసే చిన్న చిన్న మార్పులు మనల్ని ఎంతవరకు కాపాడగలవు? ఈ ప్రశ్నలకు సమాధానాలు తెలుసుకోవడం ప్రతి ఒక్కరికీ అత్యంత అవసరం. క్యాన్సర్ ముప్పును నుంచి మనం తప్పింకోవడానికి ఇప్పుడు మనం తెలుసుకుందాం.
క్యాన్సర్ ఏ వయసులో వస్తుంది తాజా గణాంకాలు చెబుతున్న నిజాలు
సాధారణంగా క్యాన్సర్ అనేది వయసు పెరిగే కొద్దీ వచ్చే వ్యాధిగా పరిగణించబడేది. ముఖ్యంగా 50 ఏళ్లు పైబడిన వారిలోనే ఇది ఎక్కువగా కనిపించేది. కానీ, దురదృష్టవశాత్తూ ప్రస్తుత తరుణంలో 30 నుండి 40 ఏళ్ల మధ్య వయసున్న యువతలో కూడా క్యాన్సర్ కేసులు గణనీయంగా పెరుగుతున్నాయి. గ్లోబోకాన్ మరియు ఐసీఎంఆర్ (ICMR) తాజా గణాంకాల ప్రకారం, మారుతున్న ఆహారపు అలవాట్లు, పని ఒత్తిడి మరియు పర్యావరణ కాలుష్యం కారణంగా తక్కువ వయసులోనే రొమ్ము క్యాన్సర్, ఊపిరితిత్తులు మరియు నోటి క్యాన్సర్ల బారిన పడుతున్నారు. చిన్న పిల్లల్లో కూడా రక్త క్యాన్సర్ (లుకేమియా) వంటివి కనిపిస్తుంటాయి. కాబట్టి ఏ వయసు వారైనా సరే తమ శరీరంలో వచ్చే అసాధారణ మార్పుల పట్ల అప్రమత్తంగా ఉండటం చాలా ముఖ్యం.
క్యాన్సర్ ఎలా నివారించాలి రోజువారీ అలవాట్లలో మార్పులు
క్యాన్సర్ నివారణకు మన జీవనశైలి మార్చుకోవడమే అతిపెద్ద ఆయుధం. మొదటగా పొగాకు, ధూమపానం మరియు మద్యపానానికి దూరంగా ఉండాలి. ఇవి దాదాపు 30% క్యాన్సర్ మరణాలకు కారణమవుతున్నాయి. మన ఆహారంలో పండ్లు, ఆకుకూరలు మరియు పీచు పదార్థం ఎక్కువగా ఉండేలా చూసుకోవాలి. ముఖ్యంగా ప్యాక్ చేసిన ఆహారం (Processed foods), అతిగా వేయించిన పదార్థాలను తగ్గించాలి. క్రమం తప్పకుండా వ్యాయామం చేస్తూ శరీర బరువును నియంత్రించుకోవడం వల్ల హార్మోన్ల సమతుల్యత దెబ్బతినకుండా ఉంటుంది. ముందస్తు పరీక్షలు (Screening) చేయించుకోవడం మరియు టీకాలు (ఉదాహరణకు గర్భాశయ క్యాన్సర్ నివారణకు HPV వ్యాక్సిన్) తీసుకోవడం ద్వారా క్యాన్సర్ ముప్పును సమర్థవంతంగా ఎదుర్కోవచ్చు. ఆరోగ్యకరమైన జీవనమే క్యాన్సర్ రహిత సమాజానికి పునాది.
ఇతర కథనాలు:
ఉన్నట్టుండి వెయిట్ లాస్..క్యాన్సర్ కావ్వొచ్చు!
ముందుగా చెప్పే. బ్లడ్ క్యాన్సర్ లక్షణాలు ఇవే.
క్యాన్సర్ బాధితులకు రూ.15లక్షల సాయం
