ఇది కేరళ రాష్ట్రంలో ఉన్న ఒక నదుల, కాలువల నగరం. “వెనిస్ ఆఫ్ ది ఈస్ట్” అని పేరు పొందిన ఈ ప్రదేశం వేదికగా నిలుస్తుంది సేదతీరే ప్రకృతి ప్రేమికులకు. బ్యాక్వాటర్స్లో హౌస్బోట్ రైడ్ అనేది ఇక్కడి ప్రత్యేక ఆకర్షణ. నీటి మధ్యలో, నెమ్మదిగా సాగిపోతూ, తీరాల్ని చూస్తూ ప్రయాణించడంలో వచ్చే ప్రశాంతత వర్ణించలేనిది.
అల్లెప్పీలో ప్రధానంగా వాపు చెట్ల మధ్య కాలువలలో సాగే ప్రయాణమే హైలైట్. హౌస్బోట్లోనే ఉండే వీలుంటుంది. బోట్లో సౌకర్యంగా బెడ్రూమ్స్, బాత్రూంస్, ఫుడ్ కూడా ఉంటుంది. ఉదయం చుట్టూ పొలాలు, పచ్చని చెట్లు కనిపించగా.. రాత్రివేళ పక్కనే నీటిపై చల్లని గాలి తగలడమే ఇంకొక అనుభవం. ఇక్కడి ప్రజలు సంప్రదాయ జీవనశైలితో కనిపిస్తారు. ఈ ప్రాంతం విస్తారమైన వరి పొలాలు, చేపల వేట, చీరలు నేయడంతో ప్రత్యేకత కలిగి ఉంది.
తెలుగు రాష్ట్రాల నుంచి అల్లెప్పీకి వెళ్లాలంటే, ముందుగా మీరు కోచిన్ (ఎర్నాకులం)కి విమానం లేదా రైలు ద్వారా చేరాలి. అక్కడినుంచి అల్లెప్పీకి టాక్సీ, బస్సులు సులభంగా అందుబాటులో ఉంటాయి. హైదరాబాద్, విజయవాడ, విశాఖపట్నం నుంచి నేరుగా ఎర్నాకులం వెళ్లే రైలు, విమానాలు లభ్యమవుతాయి. అల్లెప్పీలో 2 రోజుల టూర్కి ఇది చక్కటి ఆప్షన్ అవుతుంది.
ఆహారానికి రోజుకు ఒక్కరికీ రూ.300 నుంచి రూ.500 వరకు ఖర్చవుతుంది.
నివాసానికి హౌస్బోట్లు రోజుకి రూ.2000 నుంచి రూ.4000 వరకు (ఒకరికి షేర్లో అయితే తక్కువ) ఉంటాయి. హోటళ్లలో ఉండాలంటే రూ.1000–1500 మధ్య ఉంటుంది.
మీరు మున్సిపల్ మార్కెట్లలో కొన్ని కేరళ స్పెషల్ వస్తువులు, హ్యాండ్లూమ్ చీరలు కొనాలనుకుంటే కొంత బడ్జెట్ తీసుకెళ్లడం మంచిది.
