ప్రస్తుత రోజుల్లో చాలామంది జీవనశైలి మారడం వల్లనో.. ఆహారంలో మార్పులు రావడం వల్లనో శరీరానికి కావాల్సిన పోషకాహార పదార్థాలను అందించలేక పోతున్నారు. కాబట్టి సరైన పోషకాలు అందే ఆహార పదార్థాలను తీసుకుంటే ఈ సమస్యకు చెక్ పెట్టవచ్చని పోషకాహార నిపుణులు చెబుతున్నారు. అలాంటి వాటిలో ప్రధానమైనదే రాజ్మా. ఈ రాజ్మాను కర్రీ చేసుకుని తింటే ఎన్నో ఆరోగ్య ప్రయోజనాలు కలుగుతాయని సూచిస్తున్నారు. అయితే, ఈ కర్రీ ఎలా చేసుకోవాలో, దానివల్ల కలిగే ఆరోగ్య ప్రయోజనాలు ఏంటో ఇప్పుడు తెలుసుకుందాం.
* ఆరోగ్య ప్రయోజనాలు
ఇందులో మెగ్నీషియం, ఐరన్, సోడియం, క్యాల్షియం, కార్బోహైడ్రేట్స్, కాపర్ వంటివి అధికంగా లభ్యమవుతాయి. ఈ పోషకాలు శరీర పెరుగుదలకు ఎంతగానో ఉపయోగపడడంతో పాటు.. ఎముకలకు కావలసిన బలాన్ని అందిస్తాయి. ఈ రాజ్మాలాల్లో చాలా రంగుల్లో ఉంటాయి. చిన్న పిల్లలకు ఇది మంచి ఆహారం అని చెప్పవచ్చు.
helpline: దీన్ని అన్నంలోకి కానీ, వెజ్ పులావ్ లోకి కానీ, పూరీ, చపాతీలతో తింటే చాలా బాగుంటుంది.
*కావాల్సిన పదార్థాలు
అరకప్పు ఉడికించిన రాజ్మా, తగినంత నూనె, ఉప్పు, కారం. 2 టమాటాలు, పావు టీ స్పూన్ గరం మసాలా, కరివేపాకు, కొత్తిమీర, కొంచెం నెయ్యి, ఒక ఎండు మిర్చి దాల్చిన చెక్క, ఒక ఇంచు ముక్క, అర టీ స్పూన్ జీలకర్ర, 4 లవంగాలు, 2 యాలకులు, 2 బిర్యానీ ఆకులు, 2 తరిగిన పచ్చి మిర్చీలు, 2 ఉల్లిపాయలు, ఒక అల్లం వెల్లుల్లి పేస్ట్.
