ఇన్నాళ్లూ గోవధను నిషేధించాలని హిందువులు అడుగుతుంటే చూశాం, కానీ ఇప్పుడు ‘ఆవులను చంపడం ఆపేయండి, దాన్ని జాతీయ జంతువుగా ప్రకటించండి’ అని ముస్లింలే డిమాండ్ చేయడం దేశంలో సరికొత్త చర్చకు దారి తీస్తోంది. మౌలానా సయ్యద్ అర్షద్ మదానీ ఇచ్చిన పిలుపుతో హైదరాబాద్, కోల్కతా లాంటి సిటీల్లోని ముస్లిం పెద్దలు కూడా దీనికి సపోర్ట్ ఇస్తున్నారు. దీనివల్ల హిందూ-ముస్లింల మధ్య గొడవలు పోయి ఐక్యత వస్తుందని వాళ్లు నమ్ముతున్నారు. కానీ, ఇక్కడే ఒక పెద్ద ట్విస్ట్ ఉంది.
గోవధ నిషేధం, బీఫ్ రాజకీయాలు, అసలు లెక్కలు ఏమంటున్నాయి?
మన దేశంలో బీఫ్ చుట్టూ నడిచే బిజినెస్ పాలిటిక్స్ చాలా విచిత్రంగా ఉంటాయి. ప్రపంచంలోనే అత్యధికంగా బీఫ్ ఎగుమతి చేసే దేశాల్లో భారత్ ఒకటి. ప్రతి ఏటా లక్షల టన్నుల మాంసాన్ని అరబ్ దేశాలకు అమ్ముతున్నారు. ఈ బిజినెస్ చేసేవాళ్లలో ముస్లింలతో పాటు హిందువులు, జైనులు కూడా ఉన్నారు. ఈ కంపెనీలు రూలింగ్ పార్టీకి కోట్ల రూపాయల ఎలక్టోరల్ బాండ్లు ఇచ్చాయనే ఆరోపణలు ఉన్నాయి. గోరక్షణ గురించి స్టేజీలపై గట్టిగా మాట్లాడే ఉత్తరప్రదేశ్ నుంచే విదేశాలకు ఎక్కువ బీఫ్ ఎగుమతి కావడం అసలైన నిజం.
కానీ దేశంలో గ్రౌండ్ రియాలిటీ చూస్తే మాత్రం పరిస్థితి చాలా దారుణంగా ఉంది. కేవలం బీఫ్ తింటున్నారనే అనుమానంతో, చేతి సంచిలోనో, ఇంట్లో ఫ్రిజ్ లోనో మాంసం ఉందనే వదంతులతో సాధారణ ముస్లింలపై దాడులు చేయడం, చంపేయడం లాంటివి జరుగుతున్నాయి. ఇలా చట్టాన్ని చేతుల్లోకి తీసుకునే మూకలను ప్రభుత్వం కూడా పెద్దగా శిక్షించకుండా వదిలేస్తోందనే విమర్శలు ఉన్నాయి.
ఎన్నికల రాజకీయాల్లో ఆవు, ఓటు బ్యాంక్లకు కొత్త ఫార్ములా?
మన దేశంలో 80 శాతానికి పైగా జనాలు నాన్-వెజ్ తినేవాళ్లే అయినప్పటికీ, ముస్లింలందరూ మాంసాహారులు, హిందువులంతా శాకాహారులు అన్నట్లుగా ఎన్నికల కోసం కొత్త విభజన తెస్తున్నారు. దేశంలో ఎక్కువ రాష్ట్రాల్లో పవర్లో ఉన్నప్పటికీ, కేంద్ర ప్రభుత్వం జాతీయ స్థాయిలో గోవధ నిషేధ చట్టాన్ని మాత్రం తీసుకురాదు. ఎందుకంటే, ఈశాన్య రాష్ట్రాల్లో బీఫ్ తినకపోతే ఓట్లు పడవని అక్కడ పర్మిషన్ ఇస్తారు. దానికి కవరింగ్ ఇస్తూ… మూపురం ఉండే ‘దేశీ ఆవులకే’ పవిత్రత ఉంటుందని, మూపురం లేని ‘జెర్సీ ఆవులకు’ అది వర్తించదని ఒక వింత లాజిక్ చెప్తారు.
‘నో బీఫ్’ ఉద్యమం, రైతుల ఆర్థిక వ్యవస్థపై ప్రభావం?
ఇలాంటి టైంలో ‘నో బీఫ్’ (బీఫ్ వద్దు) అంటూ ముస్లింలు ఒక కొత్త మూవ్మెంట్ స్టార్ట్ చేశారు. బక్రీద్ పండుగకు కూడా ఆవులను కొనవద్దని ముస్లిం గ్రూపులు పిలుపునివ్వడంతో పశువుల మార్కెట్లు బోసిపోయి, వ్యాపారులు నష్టపోతున్నారు. మరోవైపు, ఉత్తరాఖండ్కు చెందిన స్వామి అవిముక్తేశ్వరానంద లాంటి హిందూ స్వామీజీలు కూడా గోవధను ఆపాలని పోరాడుతున్నారు. ఇప్పుడు ఈ ముస్లిం మౌలానాలు, హిందూ స్వామీజీలు ఒకే తాటిపైకి రావడం పాలిటిక్స్ ను కొత్త మలుపు తిప్పుతోంది.
అయితే, ముస్లింలు పూర్తిగా బీఫ్ మానేస్తే, ఆ పశువులను పెంచే హిందూ రైతులు, యాదవుల ఆర్థిక పరిస్థితి దెబ్బతింటుందని కొందరు భయపడుతున్నారు. అలాగే లోకల్ గా బీఫ్ అమ్మే ముస్లిం కసాయిలు ఉపాధి కోల్పోతే, ఆ మాంసం అంతా విదేశీ ఎగుమతులకే ఎక్కువ దొరుకుతుంది. అంటే, ఇక్కడి ముస్లింలు తింటేనేమో ద్వేష రాజకీయాలు చేయడం, అదే విదేశాల్లో ఉండే ముస్లింల కోసం మాత్రం అఫీషియల్ గా ప్యాక్ చేసి ఎగుమతి చేయడం అనే డబుల్ గేమ్ దేశంలో నడుస్తోంది.
మరిన్ని వార్తలు:
రాష్ట్రంలో బుసలు కొడుతున్న రాజకీయం
వేడెక్కుతున్న ఆంధ్రప్రదేశ్ రాష్ట్ర రాజకీయం
