మంచు విష్ణు డ్రీమ్ ప్రాజెక్ట్‌గా తెరకెక్కుతున్న “కన్నప్ప” సినిమా మీద ప్రేక్షకుల్లో భారీ అంచనాలు ఉన్నాయి. శైవ భక్తుడు కన్నప్ప కథ ఆధారంగా రూపొందుతున్న ఈ సినిమా, పాన్ ఇండియా లెవెల్లో షూటింగ్ జరుపుకుంటోంది. కథ మీద గౌరవం, భక్తి ఉండేలా సినిమా ఉండేలా చూసేందుకు మంచు విష్ణు చాలా కష్టపడుతున్నారు. ఈ క్రమంలో తాజాగా ఆయన మీడియాతో మాట్లాడినప్పుడు, సినిమాలో ప్రభాస్ ఎంట్రీ గురించి ఆసక్తికర విషయాలు బయటపెట్టారు.
ప్రభాస్ ఈ సినిమాలో “లార్డ్ శివా”గా ఒక పవర్‌ఫుల్ గెస్ట్ రోల్ చేస్తున్నారు. ఈ విషయం మీద మాట్లాడిన విష్ణు – “ప్రభాస్ ఎంట్రీ చూసినప్పుడు గూస్‌బంప్స్ వచ్చేస్తాయి. అది సినిమా హైలైట్ అవుతుంది” అన్నారు. ఈ సినిమాలో అతడి పాత్ర చాలా పవర్‌ఫుల్ అని చెప్పారు కానీ పూర్తి వివరాలు మాత్రం రివీల్ చేయలేదు. విశేషమేమిటంటే, ప్రభాస్ ఈ గెస్ట్ రోల్‌కి రెమ్యూనరేషన్ తీసుకోలేదు. కేవలం కథపై ప్రేమతో, విష్ణుతో ఉన్న స్నేహంతో, ప్రాజెక్ట్‌పై నమ్మకంతో ఫ్రీగా చేశాడు.
కేవలం ప్రభాస్ మాత్రమే కాదు-మోహన్‌లాల్, అక్షయ్ కుమార్, శివరాజ్ కుమార్ వంటి పెద్ద పెద్ద స్టార్స్ కూడా ఈ సినిమాలో గెస్ట్ రోల్స్ చేస్తున్నారు. వీళ్లందరూ కూడా రెమ్యూనరేషన్ తీసుకోకుండా నటించడం గొప్ప విషయమే. మంచు విష్ణు మాటల్లో చెప్పాలంటే, “ఇది కేవలం కమర్షియల్ సినిమా కాదు. ఇది భక్తితో, విశ్వాసంతో తెరకెక్కుతున్న సినిమా. అందుకే అంతా స్వచ్ఛందంగా చేస్తారు.”
ఈ సినిమాని మోహన్ బాబు నిర్మిస్తుండగా, టీవీ రంగానికి చెందిన ప్రముఖ దర్శకుడు ముఖేష్ కుమార్ సింగ్ డైరెక్ట్ చేస్తున్నారు. గ్రాఫిక్స్, విజువల్స్, టెక్నికల్ టీమ్ అన్నీ ఇంటర్నేషనల్ లెవెల్లో ఉంటాయని చెబుతున్నారు. 2025లో సినిమాను పాన్ ఇండియా స్థాయిలో విడుదల చేయడానికి ప్లాన్ చేస్తున్నారు. భక్తి, టెక్నాలజీ, స్టార్ పవర్ మిక్స్ అయిన ఈ సినిమా, తప్పక గొప్ప విజువల్ ఫీస్ట్ అవుతుందని అభిమానులు ఆశిస్తున్నారు.
