కర్ణాటక రాష్ట్రంలో ఉన్న ఈ కొండల పట్టణం, “కాఫీ రాజధాని”గా పేరు గాంచింది. పచ్చని కొండలు, ఉక్కపోత నుండి రిలీఫ్ ఇచ్చే చల్లని వాతావరణం, ఎండమావి పర్వత దారుల్లో కాఫీ తోటల మధ్య నడవడమే ఇక్కడి ప్రత్యేకత. ట్రెక్కింగ్, సన్రైజ్ పాయింట్లు, మంచు కప్పిన కొండల్లో ఫోటోలు ప్రతి ట్రావెలర్కి ఇక్కడ ఏదో ఒక ప్రత్యేక అనుభవం ఉంటుంది.
చిక్కమగళూరులో ముల్యన్గిరి (Karnataka లో అత్యున్నత పర్వతం), బాబా బుదాన్గిరి, హేబ్బే జలపాతం లాంటి లొకేషన్లు ప్రధాన ఆకర్షణలు. కాఫీ మ్యూజియం, స్థానిక మార్కెట్లు చూడదగ్గవి. తరవాత అక్కడే ఏదైనా హోటలో ఉండి ఉదయాన్నే కాఫీ తోటల్లో వాకింగ్ టూర్కు వెళ్ళొచ్చు. తెల్లవారుజామున మంచుతో కమ్ముకున్న ముల్యన్గిరి పాయింట్కి వెళ్లడం మరిచిపోలేని అనుభవం అవుతుంది.
తెలుగు రాష్ట్రాల నుంచి చిక్కమగళూరు చేరాలంటే, ముందుగా బెంగుళూరుకు విమానం లేదా రైలు ద్వారా వెళ్లాలి. అక్కడినుంచి బస్సు లేదా క్యాబ్లో 6 గంటల ప్రయాణంలో చిక్కమగళూరు చేరవచ్చు. హైదరాబాద్, విజయవాడ, విశాఖ వంటి నగరాల నుంచి బెంగుళూరుకు రోజువారీ విమాన సేవలు, రైలు సేవలు అందుబాటులో ఉంటాయి.
అయితే ఇక్కడ 2–3 రోజుల టూర్కి ఇది ఓ చక్కటి ఆప్షన్ అవుతుంది. ఆహారానికి రోజుకి ఒక్కరికీ రూ.300–600 వరకు ఖర్చవుతుంది. హోమెస్టేలు, రిసార్టులు రూ.1000–3000 మధ్య లభిస్తాయి. జీప్ సఫారీలకు, ట్రెక్కింగ్ గైడ్కి అదనంగా రూ.1000–1500 ఖర్చవుతుంది.
ఇక చిక్కమగళూరులో నేచర్తో మమేకమైన జీవనశైలి చూస్తాం. ఇక్కడి కాఫీ, తేనె, ఆయుర్వేద సబ్బులు లాంటి స్థానిక వస్తువులు కొనడానికి స్థానిక మార్కెట్లు మంచి చోటు. ఈ ట్రిప్ మీకు ఒక ఫ్రెష్ బ్రీత్ లాగా అనిపిస్తుంది.
