మినీ స్విట్జర్లాండ్‌గా పేరుగాంచిన పహల్గామ్ సమీపంలోని బైసరన్ లోయలో ఏప్రిల్ 22న ఉగ్రవాదులు భీకర దాడికి తెగబడ్డారు. సైనిక వేషధారణలో వచ్చిన ముష్కరులు పర్యాటకులను చుట్టుముట్టి అత్యంత సమీపం నుంచి కాల్పులు జరిపారు. ఈ దాడిలో 28 మంది ప్రాణాలు కోల్పోయారు. పదుల సంఖ్యలో గాయపడ్డారు.
ఆపరేషన్ సింధూర్ – మెరుపుదాడితో ప్రతీకారం
దాడికి క్షణం ఆలస్యం చేయకుండా భారత్ ప్రతీకారం తీర్చుకుంది. అర్థరాత్రి 1:44 గంటలకు ‘ఆపరేషన్ సింధూర్’ పేరిట పాక్ ఆక్రమిత కాశ్మీర్‌లోని ఉగ్ర శిబిరాలపై మెరుపుదాడికి దిగింది. ఈ ఆపరేషన్‌లో 80 మందికి పైగా ఉగ్రవాదులు హతమయ్యారు అని సమాచారం.
దాడి వెనక ఉన్న సాంకేతిక శక్తి
త్రివిధ దళాలు ప్రిసిషన్ స్ట్రైక్ వెపన్ సిస్టమ్స్, లాయిటరింగ్ మ్యూనిషన్‌ను ఉపయోగించాయి. భారత భూభాగం నుంచే ఈ దాడులు జరిగాయి. లక్ష్యాలను కచ్చితంగా ఛేదించేందుకు రాఫెల్ యుద్ధవిమానాలు, స్కాల్ప్, హామర్ క్షిపణులు, డ్రోన్లు వాడారు. మురిద్కే, కోట్లి, ముజఫరాబాద్, బహావల్పూర్ వంటి ప్రాంతాల్లోని శిబిరాలు ధ్వంసమైనట్టు తెలుస్తోంది.
‘ఆపరేషన్ సింధూర్’ పేరు వెనక భావం
‘సింధూర్’ అనేది భారతీయ వివాహిత మహిళల నుదుటి బొట్టు. పహల్గామ్ దాడిలో భర్తను కోల్పోయిన ఓ నవవధువు కన్నీటి దృశ్యాలు దేశాన్ని కలచివేశాయి. ఆమెలాంటి వేలాది మంది మహిళల గౌరవం కాపాడాలనే సంకల్పంతో ఈ దాడికి ‘ఆపరేషన్ సింధూర్’ అనే పేరు పెట్టారు.
ఇజ్రాయెల్ మద్దతు
ఈ దాడి తర్వాత భారత్‌కు మద్దతుగా నిలిచిన తొలి దేశం ఇజ్రాయెల్. అన్ని రంగాల్లో భారత్‌తో ఉన్నామని, అవసరమైనంత సహకారం అందిస్తామని ప్రకటించింది. దాడి జరిగిన కొన్ని గంటల్లోనే ఇజ్రాయెల్ స్పందించినది.
