ఒకప్పుడు డ్రాగన్ ఫ్రూట్ అంటే ఏంటో ఎవరికి తెలిసేదికాదు.. క్రమంగా దీన్ని తినడం.. దీనివల్ల ఉపయోగాల పట్ల అవగాహన పెరగడంతో దీన్ని కొనేందుకు.. తినేందుకు ఆసక్తి పెరిగిపోతుంది.
ఇప్పుడు అన్ని సీజన్లలో విరివిగా దొరుకుతుంది కూడా. వీటిల్లో ఫైబర్‌తో పాటు ఇందులోని ఫైటోన్యూట్రియెంట్లు, విటమిన్లు, యాంటీఆక్సిడెంట్లు, విటమిన్ సి, కెరోటిన్, ప్రోటీన్లు పుష్కలంగా ఉంటాయి. ఈ డ్రాగన్ ఫ్రూట్ మధుమేహం, క్యాన్సర్, డెంగ్యూ లేదా కడుపు సంబంధిత సమస్యలు రాకుండా రక్షిస్తుంది.
ఇందులో మెగ్నీషియం, కాల్షియం, ఐరన్‌, ఫాస్ఫరస్‌ వంటి మినరల్స్‌ ఎక్కువగా లభిస్తాయి. విటమిన్ సి అధికంగా ఉండటం వల్ల.. ఇమ్యూనిటీ పెరుగుతుంది. అంతేకాకుండా.. బి1, బి2, బి3 విటమిన్లు కూడా ఈ పండులో అధికం. డ్రాగన్ ఫ్రూట్‌లో యాంటీఆక్సిడెంట్లు ఎక్కువ. ఇవి రక్తంలో షుగర్ లెవల్స్‌ను కంట్రోల్‌లో ఉంచుతాయి. ఈ పండు ఇన్సులిన్ రెసిస్టెన్స్ ను పెంచుతుందని ఆహార నిపుణులు చెబుతున్నారు. ఆరోగ్యంగా ఉండాలనుకునేవారు ఈ పండును రెగ్యులర్ గా తినాలని సూచిస్తున్నారు.
డ్రాగన్ ఫ్రూట్ రోజూ తింటే గుండె ఆరోగ్యంగా ఉంటుంది. మెదడు పనితీరు మరింత మెరుగవుతుంది. డ్రాగన్ ఫ్రూట్‌లో ప్రోబయోటిక్స్ ఉంటాయి. ఇవి జీర్ణ సమస్యల్ని, మలబద్ధకం వంటి సమస్యల్ని దూరం చేస్తాయి.
డ్రాగన్ ఫ్రూట్‌లో మెగ్నీషియం ఎక్కువగా ఉండటం వల్ల ఎముక పుష్టికి బాగా ఉపయోగపడుతుంది. డ్రాగన్ ఫ్రూట్‌లో ఎక్కువగా యాంటీ ఆక్సిడెంట్స్ ఉంటాయి. ఇవి ఫ్రీ రాడికల్స్‌ని నాశనం చేసి క్యాన్సర్ వంటి ప్రాణాంతక వ్యాధుల్ని దరి చేరకుండా చేస్తుంది. ఇన్ని ప్రయోజనాలున్నాయి కాబట్టి ఈ పండును ‘పోషకాల గని’గా పిలుస్తారు.
