నటుడిగా తనేంటో రంగస్థలంతో నిరూపించుకున్న మెగా పవర్ స్టార్ రామ్ చరణ్, మరోసారి ఊరమాస్ ఎమోషనల్ డ్రామా పెద్ది సినిమాతో ప్రేక్షకుల ముందుకు వచ్చారు. చప్పగా సాగుతున్న టాలీవుడ్ బాక్స్ ఆఫీస్కి ఊపిరిపోయడానికి భారీ అంచనాల నడుమ ఈ చిత్రం నేడు ప్రపంచవ్యాప్తంగా విడుదలైంది. బుచ్చిబాబు సనా దర్శకత్వంలో వచ్చిన ఈ క్రీడా, గ్రామీణ నేపథ్య చిత్రం ప్రేక్షకులను ఎంతవరకు మెప్పించిందో చూద్దాం.
* కథేంటంటే..
విజయనగరం జిల్లాలోని ఒక వెనుకబడిన కొండ ప్రాంతం… ఆ ఊరికి ఎలాంటి గుర్తింపు ఉండదు, అక్కడి జనాలను పట్టించుకునే నాథుడే ఉండడు. అలాంటి ఊరిలో ఉండే హీరో (రామ్ చరణ్) క్రికెట్ బాగా ఆడతాడు. తన ఆట ద్వారా ఊరికి ఎంతో కొంత పేరు తీసుకువస్తాడు. అయితే, అలా క్రికెట్ ఆడే హీరో ఒకానొక దశలో అనుకోకుండా కుస్తీ (రెజ్లింగ్) రంగంలోకి దిగాల్సి వస్తుంది. ఆ తర్వాత అతని జీవితంలో ఎలాంటి మార్పులు వచ్చాయి? అసలు హీరో అనుకున్న లక్ష్యాన్ని సాధించాడా లేదా? తన ఊరి తలరాతను ఎలా మార్చాడు? అనేదే మిగతా కథ.
* పెద్ది మూవీ ఎలా ఉందంటే..
డైరెక్టర్ బుచ్చిబాబు సనా ఎంచుకున్న పాయింట్ చాలా నార్మల్గా అనిపించినప్పటికీ, హీరో క్యారెక్టరైజేషన్, ఎలివేషన్స్ చుట్టూ కథను బాగానే అల్లుకున్నారు. సినిమా మొదటి భాగం అంతా పాత్రల పరిచయాలు, హీరో మాస్ ఎలివేషన్ సీన్స్తో ఆసక్తికరంగా సాగుతుంది. ఇంటర్వెల్ బ్లాక్ సినిమాపై అంచనాలను పెంచుతుంది.
సెకండాఫ్లో అసలు కథ, ఎమోషన్స్ ఊపందుకుంటాయి. ముఖ్యంగా క్లైమాక్స్ లో వచ్చే ఎమోషనల్ సీన్స్ ప్రేక్షకులను కట్టిపడేస్తాయి. అయితే, కథలో ఒక్కో స్టేజ్ లో ఒక్కో విలన్ ఎంటర్ అయినప్పటికీ, ఎవరికీ సరైన క్యారెక్టర్ డెవలప్మెంట్ లేకపోవడం కొంచెం నిరాశపరుస్తుంది. అలాగే హీరోయిన్ ట్రాక్, సినిమా రన్ టైమ్ (3 గంటల నిడివి) కథనానికి కాస్త స్పీడ్ బ్రేకర్లుగా మారాయి. అయినప్పటికీ రామ్ చరణ్ వన్ మ్యాన్ షో సినిమాను నిలబెట్టింది.
* ఎవరెలా చేశారంటే..
రామ్ చరణ్: రంగస్థలం నాటి నటనను గుర్తుకు తెస్తూ చరణ్ ఈ సినిమాలో జీవించేశారు. ప్రతీ సీన్ లోనూ తన నటనతో దుమ్ములేపారు. ఆయన పడ్డ కష్టం స్క్రీన్ పై స్పష్టంగా కనిపిస్తుంది.
ఇతర నటీనటులు: విలన్ పాత్రలో జగపతిబాబు మరోసారి తన మార్క్ నటనతో మెప్పించగా, కన్నడ స్టార్ శివరాజ్ కుమార్ తన పరిధి మేరకు ఆకట్టుకున్నారు. హీరోయిన్ పాత్ర కేవలం గ్లామర్ కే పరిమితమైనట్లు అనిపిస్తుంది.
* సాంకేతిక వర్గం:
ఆస్కార్ విజేత ఏఆర్ రెహమాన్ అందించిన పాటలు పర్వాలేదు అనిపించినా, మేజర్ సీన్స్ లో ఆయన ఇచ్చిన బ్యాగ్రౌండ్ స్కోర్ (BGM) మాత్రం అద్భుతంగా కుదిరింది. సినిమా నిర్మాణ విలువలు చాలా రిచ్ గా ఉన్నాయి. ఎడిటింగ్, స్క్రీన్ ప్లే లో మరికొన్ని జాగ్రత్తలు తీసుకుని, హీరోయిన్ ట్రాక్ తగ్గించి ఉంటే రన్ టైమ్ మరింత క్రిస్ప్ గా ఉండేది.
* ప్లస్ పాయింట్స్:
రామ్ చరణ్ ఎక్స్లెంట్ పెర్ఫార్మెన్స్.
ఇంటర్వెల్ బ్యాంగ్ మరియు ఎమోషనల్ క్లైమాక్స్.
బ్యాగ్రౌండ్ స్కోర్, నిర్మాణ విలువలు.
* మైనస్ పాయింట్స్:
బలహీనమైన హీరోయిన్ ట్రాక్.
మూడు గంటల సుదీర్ఘ రన్ టైమ్ (లెంత్).
ప్రాపర్ క్యారెక్టర్ డెవలప్మెంట్ లేని విలన్ పాత్రలు.
చివరిగా: పెద్ది.. రామ్ చరణ్ వన్ మ్యాన్ షో. అక్కడక్కడా కొన్ని సీన్స్ క్రింజ్ లా అనిపించినా, మూడు గంటల లెంత్ లో కొంచెం నెమ్మదించినా.. చరణ్ నటన, క్లైమాక్స్ ఎమోషన్స్ కోసం ఈ సినిమాను థియేటర్లలో హ్యాపీగా చూసేయొచ్చు. మెగా అభిమానులకు ఇది పండగే.
రేటింగ్ : 3.25/5
