తరచుగా సినీ, రాజకీయ సెలబ్రిటీల జాతకాల పై కామెంట్స్ చేసే వేణుస్వామి 2024-25లో టాలీవుడ్ పరిశ్రమ ఎప్పుడూ లేని విధంగా సంక్షోభంలో పడుతుందని గతంలో వ్యాఖ్యలు చేశారు. దానిలో భాగంగానే ఈ ఏడాది సినీ ఇండస్ట్రీలో జరిగిన ఘటనలతో టాలీవుడ్ నటులు ఇబ్బందులను ఎదుర్కొంటున్నట్లు కొందరు సినీ ప్రియులు వారి వారి అభిప్రాయాలను వ్యక్తపరుస్తున్నారు. కాగా ఈ ఏడాది టాలీవుడ్ నటుల్లో ఇబ్బందులు ఎదుర్కొన్న వారిలో మొదటి వ్యక్తి లైంగిక వేధింపుల కేసులో జానీ మాస్టర్. ఓ మహిళా కొరియోగ్రాఫర్ను లైంగికంగా వేధించాడని, పలుమార్లు అత్యాచారానికి పాల్పడ్డాడంటూ జానీ మాస్టర్పై కేసు పెట్టడంతో ఈ కేసు వెలుగులోకి వచ్చింది. దీంతో కొంతకాలం విచారణ నిమిత్తం జైల్లో ఉండి కండీషనల్ బెయిల్తో బయటకు వచ్చారు.
ఇకపోతే ఎన్ కన్వెన్షన్ అంశం, సమంత-చైతూ విడాకుల విషయంలో నాగ్ ఫ్యామిలీపై మంత్రి కొండా సురేఖ వ్యాఖ్యలు. ఈ వ్యాఖ్యలు రెండు తెలుగు రాష్ట్రాల్లో ఓ సంచలన వార్తగా నిలిచాయి. అయితే, ఈ వార్తల హీట్ చల్లారగానే మరో టాలీవుడ్ నటనా కుటుంబమైన మోహన్ బాబు ఫ్యామిలీలో ఆస్తి గొడవలు. ఈ గొడవల్లో మీడియాకు సంబంధించిన ఓ వ్యక్తిపై దాడిచేడంతో.. ఆ గొడవలు మరింత ముదిరాయి. దీంతో మంచు వారి ఫ్యామిలీ గౌరవం.. మంచులా కరిగిందంటూ రెండు తెలుగు రాష్ట్రాల్లో ఒకటే టాపిక్.
ఇది ఇలా ఉండగా తాజాగా మరో అంశంతో సినీ ఇండస్ట్రీపై.. తెలుగు రాష్ట్రాల్లోనే కాకుండా దేశమంతా ఒక్కసారిగా షాక్ అయ్యేడట్టు ఓ వార్త వచ్చింది. అదే అల్లు అర్జున్ అరెస్ట్. పుష్ప 2 ప్రీమియర్ రోజు సంధ్య థియేటర్ వద్ద జరిగిన తొక్కిసలాటలో ఓ అభిమాని మృతి చెందింది. ఈ ఘటనకు సంబంధించి డిసెంబర్ 14న అల్ల అర్జున్ను పోలీసులు అర్టుస్ట్ చేశారు. ఇలా వరుస ఘటనలు ఇండస్ట్రీ వర్గాలను కలవరపరుస్తున్నాయి. దీంతో ఎంతోమంది జీవితాలను వారి సినిమాలతో మార్చే సినిమా వారు ఇలా ఏదోరకంగా జైలుపాలు కావడం సినీ ప్రేమికులను ఆశ్చర్యపరుస్తుంది.
