అహోబిలం పేరు మొదటిసారి విన్నారా..? అయితే ఈ ప్రదేశం గురించి తెలుసుకోవాల్సిందే. విష్ణుమూర్తి అవతారంలో ఒకటైన నరసింహ స్వామి హిరణ్యకశిపుడుని చంపిన స్థలమే అహోబిలం. ఈ క్షేత్రాన్ని నవ నరసింహ క్షేత్రంగా కూడా పిలుస్తారు. ఇది నంద్యాల జిల్లా, ఆళ్లగడ్డ మండలంలో ఉంది. ఈ గుడి నంద్యాల నుండి 60 కి.మీ. దూరంలో ఉంటుంది. అహోబిలం దట్టమైన అడవిలో ప్రకృతి ఒడిలో చూడడానికి అందంగా ప్రశాంతంగా ఉంటుంది. ఈ ప్రదేశాన్ని చూడాలంటే సాహసయాత్ర చేయాల్సిందే.
నవ నరసింహ క్షేత్రం చూడాల్సిన ఆలయాలు:
*జ్వాలా నరసింహ ఆలయం
*భార్గవ నరసింహ ఆలయం
*పావన నరసింహ ఆలయం
*ఉగ్ర నరసింహ ఆలయం
*కరంజ నరసింహ ఆలయం
*యోగానంద నరసింహ ఆలయం
*ఛత్రవట నరసింహ ఆలయం
*వరాహ నరసింహ ఆలయం
*మలోల నరసింహ ఆలయం
వీటితో పాటు ఉగ్ర స్తంభం, ప్రహ్లాద దేవాలయం, ప్రహ్లాద బడి చూడవచ్చు. ఈ ఆలయాలకు కాలినడకన వెళ్ళాలి.
అహోబిలం ఎలా చేరుకోవాలి:
బస్సు మార్గం: అహోబిలంకు దూరప్రాంతాల నుండి బస్సు సదుపాయం లేదు ఆంధ్ర , తెలంగాణ నుండి నంద్యాల లేదా కర్నూల్‌కు చేరుకోవాలి అక్కడ నుండి ఆళ్లగడ్డ చేరుకోవాలి. అక్కడ నుండి ప్రతి 30 నిముషాలకు అహోబిలంకి ఒక బస్సు ఉంటది.
రైలు మార్గం: రైలు మార్గంలో వెళ్ళాలి అనుకునే వాళ్లు కర్నూల్ లేదా కడప చేరుకొని అక్కడ నుండి ఆళ్లగడ్డకు బస్సు‌లో చేరుకొని అక్కడ నుండి బస్సు ద్వారా అహోబిలం చేరుకోవచ్చు.
టూర్ బడ్జెట్:
అహోబిలంకి రానుపోను చార్జీలు రూ.1000 నుంచి రూ.2000 వరకు అవుతాయి. రూంకి రోజుకు రూ.800 నుంచి రూ.1000, ఫుడ్‌కి రోజుకి రూ.500, గైడ్‌కు రూ.500, అక్కడ తిరగడానికి జీప్, ఆటోకి రూ.500.
